:: þriðjudagur, júní 13, 2006 ::

Til hamingju Ísland því ég fæddist hér!

Eins og heimsbyggðinni ætti að vera orðið ljóst þá hefur fæðst nýr erfingi að ríkidæmi Ríkra. Prinsessan af Austurlandi kom í heiminn 0417 þann 11. júní. Sjúkrahús Akraness varð þess heiðurs aðnjótandi að verða fyrir valinu sem fyrsti íverustaður Prinsessunnar. Ljósmóðir sem nýtur sérstakrar blessunar Ríkra aðstoðaði við fæðinguna auk annara starfsmanna sjúkrahússins. Eiga þau öll bestu þakkir skilið. Tekið skal fram að fæðingin fór ekki fram í hljóði eins og ku víst vera í tísku í henni Ameríkunni.
Reiknað er með komu Prinsessunnar í kastala foreldra sinna á Skólavörðuholtinu á miðvikudag eða fimmtudag (nánari tímasetning verður ekki gefin af öryggisástæðum).

:: Gmaríus þriðjudagur, júní 13, 2006 [+] ::
...
|