:: þriðjudagur, apríl 29, 2003 ::

Ekki er nú annað hægt en að taka undir orð X son of Hau varðandi slakar veðurspár. Þær hafa valdið manni þó nokkru hugarangri upp á síðkastið! Þar sem Ríkir eru verndarar og velgjörðarmenn golfvallanna á Akranesi og á Flúðum. Þá hafa þeir haft áhyggjur af því að hin slæma spá, gangi hún eftir, hefði neikvæð áhrif á vöxt og viðgang valla þeirra. En eins og X son of Hau nefni líka hafa þessa heigulsspár ekki gengið eftir. Því tel ég rétt að viðkomandi almúgaveðurspámönnum verði hið snarasta eytt, fyrir rangar spár og að hafa mögulega sett strik í golfáætlanir Ríkra. Því gangi þessar spár eftir þá getur Ríkur ekki spilað golf við viðunandi aðstæður en það eitt og sér er næg ástæða til að vera eytt.
Sem umhverfisstjóri Ríkra þá hef ég líka ákveðið að færa Landsvirkjun enn ofar á sprengjulistann. Það er alveg makalaust með þessa viðurstyggilegu stofnun, þar á bæ halda menn að þeir geti bara gert hvað sem er. Þrátt fyrir einhverja úrskurði um annað. Það er greinilegt að almúgastjórnendur þessarar stofnunar gera sér alls ekki grein fyrir andúð Ríkra á þeim!
Að öðru, ég hef ákveðið eftirfarandi: Leggja niður Ríkisútvarpið en þyrma Rás 1. Í staðinn mun sú stöð senda úr áróður Ríkra, klassíska tónlist og annað viðeingandi fræðsluefni! Þessi áætlun tekur nú þegar gildi.

Lifi menningarbylting Ríkra!!!

:: Gmaríus þriðjudagur, apríl 29, 2003 [+] ::
...
|