:: föstudagur, apríl 25, 2003 ::

Er mjög hrifinn af "alternate" tillögum HauXonarins varðandi hárvöxt. Það væri skemmtilegt að hitta taðskegglingana í hópi Ríkra augabrúnalausa við næstu samfundi - það gæfi oss sterka tilfinningu fyrir samkennd og samhljómi Ríkra. Einnig finnst mér eðlilegt að HauXon fái hormottupásu fram yfir erfingjafæðingu, það má ekki hræða hjúkkurnar um of.

Tek einnig undir og ítreka tillögu HauXonar um að Ríkir nýti sér hina myrku hlið tunglsins til kynningar eigin ágætis. Sem áróðursmálaráðherra Ríkra vil ég benda á það, að grjótmolinn á plötuumslaginu, sem brýtur hvíta ljósið upp í marglitar frumeindir sínar, mun vera upprunninn úr íslenskum jarðvegi. Á sama hátt eru það Ríkir, meitlaðir úr íslenskum sjávarhömrum, sem munu í fylling tímans brjóta upp hina einlitu heimssýn nútímans og ljá veröldinni litríkari og fjölbreytilegri tilveru á allan máta.

Lifi menningarbylting Ríkra!!!

:: Valgarduz föstudagur, apríl 25, 2003 [+] ::
...
|