:: miðvikudagur, apríl 16, 2003 ::

Sælinú jafningjar
Oft stendur illt af kvennahjali sagði Þorkell Súrsson í denn og reyndist sannspár kallinn (þó hann ætti reyndar sjálfur mesta sök á illindunum, en það er önnur saga). Því gríp ég til þessa orðatiltækis hér að mér finnast stjórnmálamenn allir vera kellíngar upp til hópa og varla þess virði að Ríkir eyði á þá einu orði. Við höfum um annað og meira að hugsa en að hafa áhyggjur af þessum strengjabrúðum gróðaaflanna í þjóðfélaginu, því brátt kemur sú tíð að aðeins verður til eitt gróðaafl á heimsvísu - RÍKIR HF. Þá verða stjórnmálamenn að sjálfu sér óþarfir er Ríkir taka sér alræðisvald í hendur, leggja niður Alþingi og rífa Stjórnarráðshúsið sem er ekkert annað en táknmynd þeirrar kúgunar sem íslenska þjóðin hefur mátt sæta í gegnum aldirnar, fyrst af hendi Dana og síðar af hendi arðræningjanna og föðurlandssvikaranna sem þar hafa setið lengst af síðustu öld og í upphafi þessarar. Jöfnum þetta minnismerki þjáðrar þjóðar við jörðu svo Ísland megi endurheimta reisn sína og virðing undir handleiðslu Ríkra!!!!

:: Valgarduz miðvikudagur, apríl 16, 2003 [+] ::
...
|