:: mánudagur, september 08, 2003 ::

Heilir

Það lýsir best hve Ríkir eru ötulir og önnum kafnir við undirbúningsstörf að yfirtöku veraldarinnar að á einu hausti skuli ekki vera hægt að finna EINN DAG þar sem Ríkir geta allir komið saman til hvítkúluglímu og hræáts. Atorka og iðjusemi Ríkra er hreinlega með ólíkindum og eindæmum. Ekki veit ég hvort þið sjáið húmorinn í þessu eins og ég, en ég kæmist vel til fundar við Ríka þann 13. september, en engan veginn þann 20. Þá ætla ég að vera staddur í brúðkaupsveislu og teyga þar allar þær veigar sem ég mögulega kemst yfir.

Förum við nú að nálgast mótsdag fyrra árs, sem mig minnir þó að allir hafi verið sammála um að hafi verið allt of seint á árinu.

En svo við skiptum um bragarhátt....


Gretarsromja
(eftir Garþ á Fellinu)

Hann liggur, hann bíður
hann á sér ei bærir,
legginn ei hreyfir
né höndina hrærir.
Hann horfir, hann rýnir.
Nálgast nú bráðin...

Er hreinninn hleypur
í urðinni skellur.
Gikkurinn smellur.
HVELLUR!
Og tarfur af dögum er ráðinn.

:: Valgarduz mánudagur, september 08, 2003 [+] ::
...
|