:: þriðjudagur, mars 30, 2004 ::

Ég ætla að leyfa mér að taka upp einskonar Framsóknarsjónarmið í þessu máli fyrst að það er búið að saka mig um að vera í Flokknum. Í prinsippinu er ég mótfallinn því að það verði sett þak á greiðslurnar þar sem þá er komin einhver krónutala í gang sem er nánast öruggt að verður að engu með árunum eða verði jafnvel lækkuð handvirkt eftir nokkur ár. Amk ef menn ætla að setja svona þak þá ætti það að vera sem hlutafall af framfærsluvísitölu hvert tíma. Þannig væri ólíklegra að menn færu að vasast í þessu eftir á. Segjum að grunnframfærsla sé 80.000 kr., þá væri þakið á fæðingarorlofsgreiðslurnar 7.5 sinnum grunnframfærsla = 600.000. Gefum okkur svo að eftir 10 ár verði grunnframfærslan 100.000 kr. yrði þakið 750.000 kr. Þessi leið tel ég að gæti verið til þess fallin að gera sem flesta sátta.

Ég held reyndar að, ef fólk getur ekki náð endunum saman með segjum 800.000 kr. (annar aðillinn 600 og hinn 200), ætti að taka af því fjárræðið. Ef fólk er ekki tilbúið að trappa sig niður í lúxusneyslunni er ég ekki viss um að þeir sömu hafi áhuga á að eignast börn yfir höfuð. Menn verða þá bara að velja hvort þeir ætla að fresta kaupunum kondói á Spáni eða ofurlúxusjeppanum um 3 mánuði meðan þeir kynnast barninu sínu. "Ég verð nú bara að segja það!"*

*Tilvitnun í f.v. formann Framsóknarflokksins

:: HauXon þriðjudagur, mars 30, 2004 [+] ::
...
|