:: sunnudagur, mars 28, 2004 ::

Glymur hæst í tómri tunnu!

Það hlaut að koma að því að dvöl þín í vesturbænum hefði slæm áhrif á dómgreind þína gamli vinur. Þú ert nú bara byrjaður að hljóma eins og ein af þessum ófullnægðu gömlu konum sem maður heyrir alltaf vera sívælandi í hverjum útvarps- eða sjónvarpsþættinum á fætur öðrum.

Reynir að koma höggi á þá sem vinna í þessu þjóðfélagi. Það hefur líklega ekki hvarflað að þér að það er nauðsyn hverjum fullorðnum manni að vinna til að geta framfleitt sér og sínum. Þetta teljið þið vesturbæingarnir greinilega algjöran óþarfa. Liggið frekar á spena hins opinbera og bíðið þess að út komi einhverjir peningar, skiptir þar engu hvort um er að ræða lán eða styrk. Það er ekki nema von að einhverjir á þessu landi þurfi að vinna í að minnsta 2 vinnum til að sjá sér og sínum (afætum) farborða. Maður getur í það minnsta lagst sæll til hvílu á hverju kveldi, vitandi það að þeir peningar sem maður greiðir í skatta, renna óskiptir í þróunar- og efnahagsaðstoð á heimilum þeirra sem ekki nenna að vinna!

Nær væri að skikka öll þessi olnbogabörn þjóðfélagsins í þegnskilduvinnu og gera 8-10 tíma vinnuframlag pr. dag að forsendu þess að þeir fengju einhverjar bætur í sinn hlut. Þá væri í það minnsta hægt að flýta öllum framkvæmdum verulega án mikils tilkostnaðar. Hægt væri að byrja á Sundabrautinni svo að við hin sem vinnum gætum komist á sem skemmtum tíma upp á Skaga í golf eða austur á land.

:: Gmaríus sunnudagur, mars 28, 2004 [+] ::
...
|