:: laugardagur, apríl 17, 2004 ::

Sælir.

Þingmenn og ráðherrar þessa lands eru flest allir aular! Björn okkar Bjarnason er þar engin undantekning. Hann er bara aðeins meiri auli en hinir. Sker sig aðeins út fyrir normið svo að þess vegna tökum við eftir honum.

Alveg er það annars undarlegt hvað sumir af þessum ráðherrum hafa algjörlega horfið af sjónarsviðinu! Þar má fyrsta nefna Valgerði Sverrisdóttur, maður hreinlega gæti haldið að hún hefði gert það eina skynsamlega í stöðunni, það er að segja af sér! En mínu kæru framsóknar-vinir óttist ei, ég fór á heimasíðu Iðnaðarráðuneytisins og þar stendur að hún er ennþá ráðherra! (Sjá nánar http://www.idnadarraduneyti.is/radherra/um-radherra ). Ykkar helsti skjaldsveinn og leiðtogi er enn við völd, því miður fyrir okkur öll hin. Hún er líklega bara byrjuð að klæðast huliðsfötum til að gera sig ósýnilega. Að minnsta kosti var ég að horfa á fréttirnar rétt áðan þar sem vaskur hópur karla að fallast í faðma og skála í botn yfir því að enn einu sinni er hægt að selja fjöregg þjóðarinnar á spottprís fyrir stærri álfafabrikku við Grundartanga. Hins vegar vakti það athygli mína að umrædd Valgerður var þar að minnsta kosti ekki sýnileg! Þetta er alveg merkilegt því hún var hrókur alls fagnaðar þegar menn undirrituðu stærstu afglöp þjóðarinnar austur á fjörðum fyrir nokkrum misserum síðan.

Ég bara spyr, hvar er línudansarinn og fjárbóndinn að norðan?

Gmaríus skógarbóndi að austan!

:: Gmaríus laugardagur, apríl 17, 2004 [+] ::
...
|