:: miðvikudagur, maí 12, 2004 ::

Tja alltaf er ég til í að fara í golf og/eða veiði. Hvort sem það er í Skotlandi, hér sunnan heiða eða á óðali okkar að títt nefndum stöðum Hreims. Það er bara alltaf þessi gullna spurning um tímann og vatnið sem Hauxon nefndi í skrifum sínum. Við hjúin munum halda á óðalið í næstu viku og dvelja þar í tæplega viku tíma. Einnig mun ég og mín halda okkur þar í svo gott sem allan júní. Ekki veit ég hversu mikill tími verður til tómstunda þar sem stefnt er á allverulegar viðhaldsframkvæmdir á kastalanum. Þess vegna má búast við að mest allur tími okkar fari í að stjórna því verki. Þó má vel vera að finna megi eins og 1 til 2 daga til annara starfa. Mæli ég þar með golfvellinum að Ekkjufelli. Þar má sameina fjallgöngu og golfíþróttina á einum stað!

Eru menn velkomnir í heimsókn en ekki get ég þó lofað viðunandi svefnaðstöðu að svo stöddu þar sem mögulegt er að svíturnar verði lokaðar vegna framkvæmda. Kannski mætti þó finna pláss fyrir tjaldborg vora á þessum tæpu 15.000.000 m2 sem við höfum opinberlega slegið eign okkar á.

Varðandi þjóðsögur. Þá er ekki við öðru að búast en að í þau fáu skipti sem Ríkur getur gefið sér tíma til veiða að um þá ferð spinnist miklar og kyngimagnaðar þjóðsögur. Enda vart við öðru að búast þegar slíkir veiðimenn heiðra veiðivötnin með nærveru sinni og stórfengleik.

Annars vil ég nota tækifærið og þakka forseta Sláttuvélanefndar Grasvallasviðs Íþrótta- og tómstundamálaráðs Almúgráðuneytis Ríkra fyrir að opna á þessa umræðu.

:: Gmaríus miðvikudagur, maí 12, 2004 [+] ::
...
|