:: miðvikudagur, maí 12, 2004 ::

Var að lesa viðtal við Stormskerið í fréttablaðinu. Heimildarmyndin er 7 ára gömul og öll klippt úr samhengi. Ekki undarlegt að maður hefi haft á tilfinningunni að Sverrir hafi sjálfur klippt hana til og hugsað sem djók. Það brann víst ofan af kallinum ekki fyrir löngu. Heyrði að menn væru að spá styktargolfmót fyrir kallinn, ég myndi hiklaust taka þátt!

Fyrst að ég er mest að spjalla við sjálfan mig hér á blogginu er ég að spá í að svara fyrirspurn minni um Hvítkúluglímuna. Ég er alltaf laus nema í kringum 20. júní. Fyrir tveimur árum setti ég aflamet í Veiðivötnum og vegna fjölda áskorana er ég að spá í fara aftur í opnunina í ár. Sagði faðir minn mér að hann heyri annars lagið menn segja sér frá þjóðsögunni þegar einhverjir þrír náungar lentu í moki í opnuninni 2002. hehehe Fyrir þá sem ekki hafa heyrt söguna mörgum sinnum þá veiddum við þrír yfir 100 stykki í ferðinni þrátt fyrir að hafa sleppt öllum fiskum undir 2 pundum. Við lentum í 2-3 tíma í torfu þar sem fiskur var á í nánast hverju einasta kasti. Flestir geta látið sig vona að fá svo 3-5 í svona ferð. Til að mynda fór ég ásamt 5 manna hóp í 5 daga 1997 og heildaraflinn var 5 eða 6 fiskar og fram að morgninum sem við fórum var ég sá eini með fisk sem var stærri en eitt pund. Híhíhí Jæja þetta mont skiptir ekki máli þar sem ég er sá eini sem les þetta hvort eð er.

Annars væri ég til í árvissa veiðiferð með Ríkum ef menn væru ekki svona ofboðslega bissí. T.d. spurning hvort óðalsbóndinn gæti ekki boðið í veiði. Reyndar jafnlangt að fara í veiði til Skotlands. bla bla

:: HauXon miðvikudagur, maí 12, 2004 [+] ::
...
|