:: miðvikudagur, júní 30, 2004 ::

Það er merkilegt hvað óvinurinn leggur á sig til að sundra Ríkum....nýjasta dæmið er náttúrulega að kalla einn meðlima til Afríku.......Legg ég til að við fáum sphinxinn í sárabætur fyrir þann missi. Akratorg er kjörinn staður fyrir sphinxinn......Egyptar geta fengið sjómanninn til varðveislu, svona til að missa ekki allt túristaaðráttarafl.

Við ættum að koma óvininum að óvörum og flýta dagskránni um 1 viku....

:: Halogen miðvikudagur, júní 30, 2004 [+] ::
...
|

Þá er maður kominn heim úr heiðadalnum. Mættur í mengunina og skarkalann!

Allt gekk blessunarlega á setrinu. Komið er nýtt þak og hríslurnar komnar í jörð. Hins vegar fékk ég ekki góðar fréttir þegar ég mætti hingað suður! Svo virðist sem einhver æðri máttarvöld vilji leggja stein í götu Ríkra við það að halda golfmót sitt með fullri sæmd! Að minnsta kosti hefur fyrirtækið sem skaffar mér stærstan hluta af opinberum launum ekki séð sér fært að halda mér hér heima á ÁÐUR UMBEÐNUM FRÍDÖGUM! Þannig er að það vill senda mig úr landi þann 10. júlí klukkan 0720 til Brussel og síðan þaðan til Egyptalands og Dómeníkanskalýðveldisins! Þannig að ég er ekki væntanlegur heim á nýjan leik fyrr en þann 26. júlí á nýjan leik!!!! URRRRRGGGGGGG.

Næsta ómögulegt er að fá þessu breytt. ERGO -> ég mun ekki ná að endurheimta titilinn þetta árið!

:: Gmaríus þriðjudagur, júní 29, 2004 [+] ::
...
|

Fannst Ástþór bara nokkuð góður í sjónvarpinu í gær. Myndi frekar kjósa hann en jólasveininn. Það væri stórkostlegt að sjá Ástþór hitta Bush útataður í tómatsósu, John Heinz Kerry gæti skaffað honum hana hehehe. Svoldið einkennilegt líka að Ástþór sem fór sem jólasveinn til Íraks fyrir 10 árum, að nú skuli jólasveinninn sjálfur vera mótframbjóðandi hanns! Þetta er efni í mikla samsæriskenningu. Er það vegna þess að Ástþór bauð honum ekki með? Eða af því að Írak er múslimaríki? Viljum við síðan ekki að jólasveinninn sé ópólitískur? Híhíhíhíhi NEI ég meina hohohoho!

:: HauXon laugardagur, júní 26, 2004 [+] ::
...
|

Kaustu ekki Ástþór frítt síðast?

:: HauXon föstudagur, júní 25, 2004 [+] ::
...
|

ATKVÆÐI TIL SÖLU!

Hér með vil ég auglýsa atkvæði mitt í forsetakosningum 2004 til sölu

Verðflokkar:
Grísinn............5000 spírur
Jólasveinninn.....25.000 spírur
Koffíntjúnaði síðhippinn......millljón

Autt eða ógilt er á 1000 kall

:: Halogen mánudagur, júní 21, 2004 [+] ::
...
|

Þá er dagsetningin klár - ótrúlega áreynslulítið þetta árið. Þá er bara að maður fari nú að drösla sér út á völl öðru hvoru og æfa sveifluna. Það hefur einhvern veginn orðið minna úr golfiðkun þetta vorið en ætlunin var. Þar sem maður er nú orðinn gildur limur í Leyni verður maður að minnsta kosti að reyna að spila upp í árgjaldið.

:: Valgarduz þriðjudagur, júní 15, 2004 [+] ::
...
|

Hreimsstaðatröllið tilkynnti mér símleiðis nú rétt áðan að dagsetningin sé ókei.

:: HauXon sunnudagur, júní 13, 2004 [+] ::
...
|

Sá tíundi er er merktur inn á dagatalið okkar Öldurínu. Mér þykir það frekar líklegt að meistari Gmaríuz hafi þegar séð dagsetninguna. Maðurinn er bara svo vinsæll að hann hefur ekki komist í að skrifa athugasemdir hér inn.

Annars var mér og lærisveini mínum Svenn boðin þátttaka í Hole in one Open golfmótinu sem fór fram núna í gær að Korpúlfsstaðavelli. Svo virðist sem Kristallur hafi ekki vitað af mótinu og stillt veðrið á slagveður. Var veðrið svo slæmt að eitt skiptið þegar ég var að pútta fauk ég næstum um koll og þykk húfa sem ég var með fauk þannig að ég þurfti að hlaupa á eftir henni. Nokkrum holum síðar fauk kerran og pokinn upp brekku á meðan ég var að slá. Svo átti ég dræv sem ég hitti sæmilega og náði svona kannski 60-70m á móti vindinum! Svenn var ekki með regnföt eða golfskó meðferðis var því ca. 100 kg að móti loknu. Ég stal húfunni af ofni í golfskálanum rétt áður en við fórum út. Besta skor dagsins átti Sigurjón Arnarson fyrrverandi íslandsmeistari, 83 högg (og þegar hann lék var veðrið rétt að byrja). Það versta var 138 högg og það átti einhver gaukur með 15 í forgjöf. Ég var vel yfir hundraðinu og Svenn var um hundraðið. Við þurftum að skríða inn í bíl eftir að hafa spilað í rúma fimm tíma. Flestir hættu eftir 9 holur, en okkur fannst þetta of fyndið til að hætta. Svo er bara vonandi að Ríkra mótið verði jafn magnað, en þó ekki veðurfarslega :-)

:: HauXon sunnudagur, júní 13, 2004 [+] ::
...
|

það efa ég.......er líka nokkuð viss um að morskerfinu hefði verið breytt í samræmi við niðustöðu Gmars ef misræmi hefði verið á niðurstöðu Ríks og prófstjóra.

:: Halogen föstudagur, júní 11, 2004 [+] ::
...
|

Man ég ekki rétt að hann hafi einhvern tíma fallið á mors-prófi í Flugskólanum?

:: Valgarduz fimmtudagur, júní 10, 2004 [+] ::
...
|

Trjábóndinn er víst að reyna að hola niður sem flestum jurtum svo hann hafi efni á nýju þaki á kofann. Það tekur sirkabát allan júnímánuð og held ég að hann verði ekki mjög internetglaður á meðan.......enda skilst mér að internetið hafi ekki náð til austurs.....en hey....hann kann mors!!!....sem mun áreiðanlega nýtast í internetlausum óbyggðunum.

:: Halogen fimmtudagur, júní 10, 2004 [+] ::
...
|

HauXon var búinn að lýsa því yfir að allar dagsetningar væru í lagi fyrir hann og hans frú, þannig að nú vantar bara staðfestingu frá GMar á 10. júlí. Er hann máske utan tölvusambands á útkoti sínu á Austurlandi?

:: Valgarduz fimmtudagur, júní 10, 2004 [+] ::
...
|

Hómís,
Ég og mín familía samþykkir 10. júlí.

:: Halogen sunnudagur, júní 06, 2004 [+] ::
...
|

Fjelagar!!

Stefnum á kvítkúluglímu LAUGARDAGINN 10. JÚLÍ. Að venju skal gert ráð fyrir ketveislu um kveldið og kontraspjalli fram á nótt.

Hreyfið mótbárum strax ef þessi dagsetning gengur ekki, og komið þá með betri tillögur sjálfir.

-og hananú!!

:: Valgarduz miðvikudagur, júní 02, 2004 [+] ::
...
|

Var nú bara svona að spá í tilefni sumarsins hvenær menn væru lausir í Rikir Closed. Valli var búinn að pósta mögulegum dagsetningum sem allar eru í lagi fyrir okkur Öldurínu. Hvernig er með ykkur hina? Miðað við síðustu golfferð okkar Gmaríuzar ætti hann að vilja hafa mótið fljótlega :-Þ Ríkir reisið raust ykkar! Ég legg til að nú verði keyptur bikar sem sigurvegarinn hefur til vörslu í ár.

Varðandi Pixies tónleikana, þá hef ég heyrt frá aðilum sem fóru á báða að þeir hafi verið svart og hvítt. Mikið betra sánd á seinni tónleikunum og stemningin betri. Svo las ég að hljóðmaðurinn hafi gleymt að hækka í trommunum í 4 fyrstu lögunum á þeim fyrri. Ég er viss um að ef Pixies hefðu vitað af Ríkum í salnum hefðu þau lagt meira á sig.

Kveðja, HauXon
Current Rikir Closed champion.

:: HauXon miðvikudagur, júní 02, 2004 [+] ::
...
|