:: sunnudagur, ágúst 08, 2004 ::

Þar sem panflautuleikarinn í Lima er nú á bataveigi, þökk sé Blistex og mánaðarlaungum fyrirbænum Ríkra, þykir mér rétt að koma með smá öppdeit af Vallholtinu. Nú á sunnudagskveldi 8. ágúst er ég nýkominn ofan af sjúkrahúsi þar sem mín ektafrú var í undirbúníngi undir keisaraskurð sem framkvæmdur verður í fyrramálið. Ég hafði reyndar ákveðið að fara snemma að sofa þar sem ég ætla að mæta eldhress í fyrramálið upp á spítala til að klæðast græna skurðstofugallanum; en í þessum aðstæðum er ekki sérlega auðvelt að festa svefn og þess vegna er ég hér að skrifa inn á bloggið í stað þess að hvílast.

Þriðji erfingi okkar hjóna verður sumsé sóttur inní móðurkvið á morgun, mánudaginn 9. ágúst, með hjálp skurðhnífa, deyfilyfja og einnota hanska.
En nú verð ég að fara að reyna að sofa ef ég ætla ekki að verða rænulaus í fyrramálið. Læt vita um leið og eitthvað gerist.

:: Valgarduz sunnudagur, ágúst 08, 2004 [+] ::
...
|